Mungia, Uribe-kosta delakoaren barruan egon da. Denbora pasatu ahala, Mungialdea deitu izan den gune mugatuagoa eratzen joan da (Bizkaiko Foru Aldundiaren Lurralde-Plana).

Eskualde honetako udalak euren arteko lankidetza-moduak sortzen ari dira. Tradizio handienetarikoa, udalik gehienak barne dauden Gizarte Zerbitzuetako Mungialde Partzuergoa da, baita Gurutze Gorriaren anbulantzi-zerbitzua ere.

Bestalde, enplegu-sustapenerako zerbitzu berriak sortzen ari dira, LHZ (Lanbide Hastapenerako Zentrua) edo Behargintzako egitasmoa kasu, eta hauen kostua eskualdeko ia udal guztien artean ordaintzen da: Arrieta, Bakio, Fruiz, Gamiz-Fika, Laukiz, Meñaka eta Mungia.