|
Norentzat: Madalen (Santa María Magdalena).
Non: Llona auzategia.
Deskripzioa: solairu errektangularra (9,30 x 6,50). Harlangaitzezko hormak eta harlanduzko bazterrak. Bi isurkiko teilatua. Gune edo hutsarte bateko kanpai-horma, gailurrean burdinazko gurutzea daukana. Atea eta ataburua (M), aspilera (I) eta leihoa eta leihoburua (H). Ekialdeko leihoak mainela eta, goiko aldean, bi begi dauzka. Nabean zementozko zoladura edo behea; presbiterioan, egurrezkoa. Elizpean egurrezko jezarlekuak. Ataburu gainean egurrezko inskripzio zaharra: MADDALEN 1846.
Jaiak, elizkizunak eta sineskerak: uztailaren 12an, Maddalen jaia erromeriagaz. Sakristauak ardoa era gailetak banatzen dauz (andrazkoentzat, mistela). lrailaren 1ean, Kofradiako hildakoen aldeko meza.
Sakristauak berak joten dauz kanpaiak. Abenduaren 8an diru kontuen liburua berrikusten da baserrian, sakristauaren etxean. Antzina hilobiak egoten ei ziren. |
