|
Jaitsi PDF formatuan
Larrauri, Emerando eta Markaida Mungiako auzo historikoetakoak
dira.
Ibilbide horia
Larraurin nekazal ingurunea udatiarren jauregiekin bat
dator. Fonda (1) ostatua izan da, antzinako bainuetxera
(2) etortzen zirenentzakoa. Villa Justina (3) era eklektikoan
eraikitako jauregia. Trobikorrota (4) ur errota garrantzitsua.
Meñaka aldera jauregi batzuk: Villa Tanger (5) ingeles
tankerakoa, eragin neokantabroa daukana (XIX), Villa
Mercedes (6) jauregi handia kapera neorromanikoa eta
guzti.
Ibilbide urdina (6 km, azala, asfaltoa, lurra)
Plazatik, Eleizalde bidera eta hortik Olabarriko errota (7)
ikus dezakegu: bidetik andapara ikusten zaio. Don
Alupioren jauregi albotik (8), Bidebietara heltzen gara eta
errepidetik jaitsita ezkerretara Emerandorantz (9) Bidean
errota batzuk daude Sollubeko urek eragindakoak:
Ugaldeko errota, Txozna errota, Iturriko errota (10). Hortik
Santelako baselizara (11) oso berriztatua eta aldarean
hilarri zaharra daukana (k. a. I-k. o. I); jaiak abuztuko bigarren
domekan dira: kofradi jaiak). Bidera itzulita, Beletako
errota ederra (12) dugu. Solo artean San Martin baselizara
joan gaitezke, antzinakoa baina aldaketa asko izan
dituena. Solluberako errepidean, Errotatxu errota (14)
dugu eta ezkerretara joz, Meintxako errota (15) jardunean
oraindik. Seguruena abiapuntura itzultzea da, baina errepidetik
itzuliz gero, Errotabarriko errota (16) ikusiko dugu,
kurioso berriztatuta, urak bideratzeko prozesu osoa erakusten
duena.
Ibilbide berdea (40’, pistak eta aldapak)
Larrauriko plazatik Santa Maria elizara iritsiko gara (17).
Erdi Arokoa, seguruenez, XVI.ean berriztatu zuten, mendebaldeko
eta hegoaldeko atariak kontserbatuz eta erretaula
berreginez (XVIII.ean); XIX.ean guztiz berriztatu
zuten. Ondoan Egia-Abadena jauregia (18) dugu, neoklasikoa,
XIX. mendekoa. Pilotalekuaren alboan iturria eta
hortik ezkerretara Erdizubiko errotaraino (19). Hortik ordu
erdian edo Zumetzagako San Migel baselizara joan gaitezke,
euskal erromanikoaren bitxietako bat. Handik hainbat
aukera: Larraurira itzuli, Jatara igo (aldapa gogorra),
Tailu menditik Emerandora joatea edo Bakiora joatea eta
autobusez itzultzea.
|
